من باعك الفكرة؟

من باعك فكرة وهمية تقول ان ما يصير تصير سلبي؟ منو قالك انك ما يصير تطلع مشاعرك السلبية وتصير ايجابي وبس؟! انت انسان مجموعه مشاعر واحاسيس تمر حياتك بمواقف حلوة ومرة، سعيدة وحزينة، اذا كنت تمر بموقف صعب عبر عن مشاعرك لشخص قريب يقدر يسمعك او حتى عبر بينك وبين نفسك المهم تفرغ هالمشاعر، اخذ وقتك،، ساعة يوم يومين شهر المهم هالمشاعر تطلع، عادي تبچي عادي تصرخ عادي توصل لاقصى طريقة بالتعبير المهم هالمشاعر تطلع لان كتمانها اسوء اكثر من التعبير عنها، كتمانها ممكن يسبب لك امراض نفسية وجسدية وعقلية، كلنا واعين باللي يصير في كل مكان بالعالم من احداث بدءاً من كورونا الى تفجيرات وقتل وفيضان وزلزال، طبيعي نتأثر ونحزن على حالنا او حال اخوانا في الانسانية، وعقبها نرجع طبيعي ونكمل حياتنا، الرسول الكريم كان يحزن وكان رب العالمين ينزل له ايات من القرآن تريح قلبه ، استغربت من كمية التعليقات اللي وصلتني بالخاص سواء تويتر او انستغرام تتهمني بأني سلبية ويائسة والبعض تطاول على اهلي! لكني ما انشر تعليقاتهم عشان الناس اللي تحبني ما تتأثر، منو باعكم الفكرة الوهمية ان الحياة وردية؟! لا، احنا نخليها وردية وحمرا وصفرا ونلونها بس اذا مرينا بموقف سلبي ومؤلم ناخذ وقتنا بالتفريغ، ما يهمني عدد متابعين يبحثون عن الوهم يهمني الناس الواعية المتزنة اللي ما تنغر بالأفكار الوهمية ،، خلك واعي وناضج انت مخيّر مو مسيّر..