التاريخ : ٥١٠٢٠١٢

الموقع: دبيالامارات العربية المتحدة

القرار : نسخة جديدة

.

.

بشاركم قصة خاصة فيني صارت بالضبط نفس اليوم قبل ٩ سنوات، بالضبط قعدت من النوم الصبح بتاريخ ٥١٠٢٠١٢ كنت في دبي مع اهلي وسبب السفرة هدية عيد ميلادي لان تعودت ما اقعد بالكويت 🤷🏼‍♀️مادري ليش خذيت هالقرار بعدين تطور وصرت احتفل فيه بروحي بره الكويت😅، مازات اذكر هاليوم وكل سنة أنا واهلي نذكره ونضحك كنت امر بظرف وايد سبب لي ولاهلي صدمة وكنت وايد سلبية ومتأزمة وحتى بالسفر ما كنت مستانسة يومها قعدت ونطيت من السرير وقلت لهم بصوت عالي أنا قررت من اليوم أتغير وكل شي بيتغير بس بداخلي ما كنت ادري شنو بسوي وشلون ابدي، وامي كانت وايد احسن مني واوعى مني كانت تقرا كتب معينة بالتطوير وخلتني ابدي فيها وبعدها صج ما قدرت اتركها، اذكر اني انتبهت لنفسي مدة سنة كاملة دفعت ما يقارب ٤٠٠٠ دينار كويتي على دورات وكتب عشان اتغير بس بسنة وحدة😅 طبعاً ما اقولكم الطريج مفروش بورد وزهور وياسمين😂 الله وكيلكم طراقات وشوك، فكان اول تغيير قوي صار بحياتي وهم بعد ما وصلت اللي ابيه، عقبها بسنة ٢٠١٦ برحلة علاج امي كان الطراق اللي ما انساه بالغربة، لمن وقفت بروحي برة غرفة العمليات واطالع امي من دريشة صغيرة داخل تحت رحمة ربي، عرفت ان ولا شي بينفعني غيره وهذي كانت مرحلة ثانية من الدرس بحياتي اللي ما انساها وعلمتني وايد، ووايد ناس اللي عرفوني قبل يقولون انتي وايد تغيرتي وتطورتي، اليوم ٥١٠٢٠٢١ أنا قررت هالمرة بعد اني اتغير التغيير الأقوى والانضج واتخذ القرارات الاصعب والاقوى اللي ما كنت اقدر اتخذها قبل وما كنت مستعدة اني اخذها اليوم اقدر 👌🏼😉 ، اللي بوصلة لكم من القصة مو اني بطلة لا ابداً يمكن وايد ناس احسن مني واقوى مني، بس بقولكم ان مو غلط نتغير باي مرحلة عمرية وماكو يوم محدد ولا تاريخ بس اكو نضج معين ومرحلة نفسية معينة نكون مستعين نخوضها ، وانا متاكدة انكم تقدرون✌🏻

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s