ديتوكس الهاتف

قبل سنوات كتبت مقالة عن ديتوكس السوشيال ميديا، وقتها تعرضت لهجوم وتنمر غريب، اليوم في مصطلح علمي رسمي اسمه ( ديتوكس السوشيال ميديا) وينصحون فيه الأطباء لأن اكتشفو ان احدد اسباب القلق والاكتئاب اهو التلفون والسوشيال ميديا 😊..

هالمرة بتكلم عن شي اسمه ديتوكس الهاتف ( الصورة الاولى) اهو ديتوكس لكل شي يتعلق بجهازك النقال لانك تقريباً تمسكه طول الوقت وتستخدمه وتقريباً تتبرمج عليه وكل شي فيه يتخزن بعقلك اللاواعي ويأثر عليك بطريقة غير مباشرة، وقبل قريت مقال لعلم الفونج شوي اللي يهتم فيه ان فيه طريقة بعد للهاتف لان اكتشفو انه له تأثير مباشر على صحة الانسان العقلية والنفسية، انزين شلون نعدل التلفون؟ وينطبق تقريباً على كل اجهزتك ،

اولاً : قائمة الاتصال، راجع قائمة الاتصال والارقام بجهازك، هل اهي مرتبة؟ هل كل اللي فيها فعلاً تتواصل معاهم؟ والا مجرد عدد فقط؟ هل عدلت ارقام الناس اللي غيرت ارقام تواصلها ، اماكن عملها وغيرها والا عندك فوضى؟ تخلص من الارقام اللي فعلياً ما تتواصل معاك، اللي تتجاهل اتصالاتك ورسايلك، تخلص من اي شخص اسمه بقائمتك يسبب لك ازعاج لان هذي بروحها طاقة سامة ، جدد طاقتهم، وتذكر اللي ما يعدك راس مال لا تعده فايدة😉.

ثانياً: البريد الالكتروني، اكثر شي اشوفه ينرفز عند البعض بسبب البرامج الاجتماعية اهملو الرسائل الالكترونية لدرجة ان يشوفون عددها يوصل بالالاف لا يشوفونها ولا يمسحونها ، غير جذي مسجلين بقوائم بريدية كثيرة وتوصلهم اعلانات عالفاضي، الحل؟ امسحها كلها وتخلص من قوائم الاعلانات على طول رتب عناوين البريد اذا كنت تمتلك اكثر من واحد، اذا عندك اكثر من مهمة رتبهم في ملفات وخلها منظمة.

ثالثاً: برامج التلفون، يا كثرهم وما نستخدمهم، اي برنامج ما تستخدمه اكثر من ٦ شهور انت فعلياً ما تحتاجه، في برامج بعد التطوير ما تشتغل ، تخلص منها، خفف من مساحة جهازك، رتب البرامج بملفات حسب نوعها او حسب استخدامك هذي مهمة والاهم منهم كلهم، الغي الشعارات لان اليوم العلماء صنفوها انها من اكثر المشتتات العقلية للانسان.

رابعاً: خلفية جهازك: تدرون ان الشخص يتبرمج على الصور الموجودة اسرع من الكلام؟ يحتاج مجرد ٣٠ ثانية؟ ، واجع خلفية جهازك الصورة عبارة عن شنو؟ ذكرى لشي حلو؟ شي حزين؟ جملة سلبية والا ايجابية؟ كل شي له تأثير ، حاول ان الصورة تكون هادية كثر ما تقدر.

اخيراً: ملف الصور: الملف اللي بينفجر صور عند الغالبية لان ما يحاولون حتى يفرغونه بجهاز خاص او يعدلونه وتلاقي صور لها معنى ومالها معنى وتوصل بالالاف ويتكيسل يعدلها، هذي من اكبر الاغلاط اللي يسويها الناس، اذكر من سنوات كان الدكتور بشير الرشيدي ولازال كل جمعه يخصص ساعه من يومة يفرغ فيها جهازه من ملفات وصور ويسوي ابديت وانا من سنوات ملتزمة بهالطريقة واشوفها ممتازة.

في النهاية امور بسيطة تسويها ممكن تغير وايد في نفسيتك وحياتك وانت في عينك تشوفها ما تسوى بس والله لها تأثير وايد كبير ، جرب منت خسران😉

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s