من شنو تتهرب؟

التقيت بزميل قديم كنت منقطعة عنه سنوات وتصادفنا في زمن الكورونا، وقررنا نلتقي ونتكلم، ولأني شخص أؤمن ان كل شي له سبب وما في مجال للصدف قررت اتبع صوتي الداخلي، فاجأني شكله اللي صار اكثر نحافة وشعره ابيض وعمره ما تجاوز ٣٣ سنة، وكان أول سؤال له مني: ليش شعرك صار جذي؟ شنو اللي صدمك؟ طبعاً برر انها الحياة وتجاربها وتحدياتها الصعبة، لكني كنت اعرف السبب بداخلي وما قدرت اضغط عليه واشاركه فيه، كلمني عن حياته بعد كورونا وشلون فترة الحظر غيرته وخلته يعيد حساباته ويفكر بنفسه وبحياته وحط له خطة و من أول ما فتح الحظر واهو جدول يومه مشغول زيادة عن اللزوم من تمارين نادي وممارسة هوايات ودوامه وغيره ، كل ما حاولت اتكلم كان لا شعورياً الحوار و الميكروفون يتحول له، قلت بداخلي : نور سكتي وعرفي شنو الرسالة؟ وبعد ما تكلم تقريباً أكثر من ساعة ونص سألته بوضوح: من شنو قاعد تتهرب؟ قالي ما اتهرب من شي ( مع حركة جسدية فيها انزال العين والرأس) كنت اعرف اللي يمر فيه واعرف مقدار الحزن بداخله ولان احنا بمجتمع شرقي يمنع الرجل انه يعبر عن حزنه أو ألمه، ولاني ماعرف اشوف احد بداخله شي وما اطلعه، رديت عليه : كلنا نمر بتجارب وتحديات باختلاف درجاتها واختلاف ردود افعالنا، كلنا بداخلنا ألم او جرح لشيء المهم ان نخلي الألم هذا يداوينا، يعلمنا ، يرفعنا، لكن الهروب بالطريقة هذي مو حل ، الحل ان نواجه خوفنا او ألمنا وما نسمح له يكون سبب انكسارنا وبعدها سكت ، فكرت اهي الرسالة هذي حق منو فينا بالضبط؟ عرفت انها رسالة لي أنا ، انا كنت حزينة على فقدان شخص واخفيت الحزن وتجاهلته وما كنت متقبلة ، عرفت اني لازم انا اتقبل اني فقدت، اتقبل اني حزنت ، اتقبل كل شي كنت ارفض قبوله لان مقاومتي له بتزيده، بعدها رن منبه ساعتي فعرف اني على موعد ثاني وانتهى اللقاء، بعدها ارسلي رسالة يقولي ان اعتبر اللقاء استشارة وبيدفع ثمنها فقلت ان ثمنها مدفوع لان في الحقيقة انا اللي اخذت الاستشارة ودفعت ثمنها.

اللي بقوله ان كلنا نمر بظروف ما في استثناءات بالحياة المهم ان نعرف الحلول ونتعلم المهارات اللي تساعدنا نتطور ونتخلص من كل شي يعيقنا.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s